Младите можат

Кои сме ние?

Младите можат е здружение на граѓани формирано од млади за млади на 28 мај, 2009 година. Оваа 2019 г. ќе одбележи години постоење, повеќе од 1000 млади вклуќени директно во проекти, програми, настани и активности и повеќе од 20 активни членови кои секојдневно придонесуваат во растењето и успехот на организацијата а со тоа и во правење на позитивни промени за нашата младина и нашата заедница.

Визија

Младите луѓе да земат активно учество во развојот на своите заедници и преку младинскиот и социјален активизам, како моќни алатки за општествена промена, да одговорат на своите потреби во заедницата.

Мисија

Да им овозможиме на младите луѓе да станат активни, независни, способни и решителни граѓани кои веруваат дека можат самостојно или здружено да учествуваат и влијаат во позитивните промени и развојот во општеството.

Искуства на младите што можат

"Благодарна сум што имав шанса да бидам дел од овој процес, тренинг кој не само што продре до јадрото на Тим Билдингот, туку овозможи сите учесници повеќе да дојдат во допир со себе си - за своите јаки страни, своите слаби страни, приоритети, желби, цели, а најважно од се' како да остават трага во општеството и како да го направат тоа во тим."

Елена Пауноска, учесник во проектот "Process of change"

"Како младински работник постојано треба да ги следиш новите трендови на младите, да си запознаен со интересите што ги имаат, да ги следиш новостите во светот и секако да ги информираш и нив за истите. Еден од предизвиците што ги има младинската работа денеска е како активностите што ги креираме за нив, но и тие што самите ги спроведуваат, да бидат одржливи, достапни и корисни за општеството."

Софија, учесник во проектот "Process of change"

"Најинспиративниот момент е што низ новите искуства добиваш можност да сфатиш колку си научил од претходните, а во исто време да откриваш и уште колку многу имаш за учење."